- పట్టుకున్న వరంగల్ యాంటీ డ్రగ్స్ టీమ్
వరంగల్, వెలుగు: వరంగల్ నగరం నడిబొడ్డున ఇంటిపైనే గంజాయి సాగు చేస్తున్న వ్యక్తిని వరంగల్ పోలీస్ కమిషనరేట్ యాంటీ డ్రగ్స్ టీమ్ పోలీసులు పట్టుకున్నారు. టీమ్ఇన్చార్జి, ఇన్స్పెక్టర్ జె.సురేశ్తెలిపిన వివరాల ప్రకారం.. వరంగల్ రైల్వే స్టేషన్ను ఆనుకుని ఉండే శివనగర్కు చెందిన పల్లెబోయిన శివకుమార్(60) ఈజీ మనీ కోసం అలవాటుపడ్డాడు. బయట రోడ్ల మీద అరటిపండ్ల వ్యాపారం చేస్తూనే ఫెడ్లర్గా ఉంటూ గంజాయి సాగులో అడుగుపెట్టాడు.
బయట సాగు చేస్తే జనాలకు అనుమానం వస్తుందని ఇంటినే పరిశ్రమగా చేసుకున్నాడు. బిల్డింగ్పై పూలకుండీల్లో గత కొన్ని రోజులుగా గంజాయి మొక్కల పెంపకం చేపట్టాడు. కాగా, యాంటీ డ్రగ్స్ టీమ్ పోలీసులు మత్తు పదార్థాలను పసిగట్టే విధుల్లో భాగంగా జాగిలాలతో గురువారం వరంగల్ రైల్వే స్టేషన్లో తనిఖీలు నిర్వహించారు. అదే సమయంలో వారికి ఈ ప్రాంతంలో గంజాయి సాగు జరుగుతుందని సమాచారం రావడంతో.. జాగిలాలతో తనిఖీ చేయగా శివకుమార్ ఇంటిపై పూలకుండీల్లో గంజాయి సాగు బయటపడింది. యాంటీ డ్రగ్స్ టీమ్ పోలీసులు అతడిని అరెస్ట్ చేసి మిల్స్ కాలనీ పోలీస్ స్టేషన్లో అప్పగించారు. పోలీసులను ఉన్నతాధికారులు అభినందించారు.
